قصيدة حب وشوق رائعه

من طرف **Admin** الأحد يونيو 15, 2008 1:50 am

أهدي لكم هذه القصيدة : قصيدة حب وشوق رائعه (مسكته) آملاً أن تنال رضاكم (رضاي)

قابلتها صدفة بسوق البساتين(مجرد صدفة)

ومن دون ما أشعر عدتلي خطوتيني(خطوة خطوة)

معها ولدها مابعد تم عامين (ياخذ العقل على أمه)

يوم المحتني وقفت تحتريني(من انتي ؟)

ثم جت تخطى مغرقن دمعها العين(خير؟)

وأنا أهتلج من عبرتن في كنيني(حنيت عليها)

يوم أقبلت مني و ناظرتها زين(عرفتها)

حارت دموع الشوق بالحاجريني (لا تعليق)

وقالت هلا ياسيد كل السلاطين(وااااثق)

وحطت يديها الناعمه في يديني(كنت أدري)

كن الأنامل نمشها بالشرايين( نعووومه)

ومصيبتي كبر الجبل مرتيني(رحت فيها)

قلت أنتي اللي قالت الهرج بعدين(أبتأكد بس)

بملا النظر من شوفتك ياظنيني( خوذي راحتك)

كانك تحسب فراقنا للزمانين(ماحسبت شي)

عد السنين اللي مضت من سنيني(خمس ؟).

أسهر على ذكراك والناس ممسين(الله يعينك)

والخوف من سو القدر معتريني(تحملي).

ياما جرالي يازبون المجلين.(سلامات؟)

من بعد ماوادعتني بسنتيني(وش صار )

ماكن في قلبك محبه ولا دين(لايكثر عاد)

وتعبرت وأنا العبار تحديني (يوووه خلاص عادد)

والصمت خيم بعدها بين مابين(هدووووء)

وفجأه وقف مخلوق بينه وبيني (ملقوووف)

يقول يكفي قفلن الدكاكين(ياشين اللقافه!)

وأقفت توادعني بصوتن حزيني(تبكي)

.

تلحظ بعينن كنها عين شاااااااااهين(صقر)

لحظة وداع وهلة الدمع عيني (أخيرا).

ومن بعدها صارت العشر ثنتين(ضيعت)

حار القدم والسوق يلتف فيني..(تلخبطت)

والله لو جني جميع المزايين(لاتعليق)

لموت ماخلصت من الحب ديني(مع السلامه)